Pasèda òrmaj la fèsta,
la ròba che l’è rèsta,
las dròva per al pulpèti,
sèinza fè tènti pusghèti.
La chèrna ad manz ad capòun,
lan si bóta int e’ bidòun,
bšägna purtròp magnèla,
ch’ ui vò i sòld per cumprèla.
Ilé drèinta ui va ad tótt,
da la chèrna a e’ parsót,
j’arvènz, in pjó quèlc artaj,
pèn gratéd, òvi e furmaj.
Per stè de chènt de sicùr
ui si mèt parèć udùr:
e’ pévur, la nuša muschèda,
bóza d limòun gratušèda,
parsèmul, un spìgul d’aj,
zà che quèl un guasta maj,
ui dà un bèl pò d vigór,
l’è ‘na bréscla per l’udór.
Da sta ròba impastèda,
us ne tò ‘na cuciarèda,
tla mèna la vèin strèta,
cume stèmp per la pulpèta.
Las frèz, la dvèinta d’òr,
epù zó te sug ad pumidòr,
sè cuntorne de purè,
l’è pu un gran bèl magnè.
Ènca sl’è garantida,
fata sa ròba pulida,
ma chi e’ vèin a magnè,
nu gìi drèinta cus ch’u jè.
S’un sa quel ch’a javì mès,
u li magna d’listès,
se e’ sa che u jè javènz,
e’ pò ès che e’ sélta e’ prènš.
Ivano Aurelio Muratori
GLI AVANZI NELLE POLPETTE!
Passata ormai la festa,/ la roba che rimane,/ si adopera per le polpette,/ senza fare tante pusghette.
La carne di manzo e di cappone,/ non si butta nel bidone,/ bisogna purtroppo mangiarla,/ che ci vogliono i soldi per comprarla.
Lì dentro ci va di tutto,/ dalla carne al prosciutto,/ gli avanzi in più qualche ritaglio,/ pane grattugiato, uova, formaggio.
Per stare dalla parte del sicuro,/ ci si mettono parecchi odori,/ il pepe, la noce moscata,/ buccia di limone grattugiata,
prezzemolo, uno spicchio d’aglio,/ che quello non guasta mai,/ ci dà un bel po’ di vigore,/ è una briscola per l’odore.
Da questa roba impastata,/ se ne prende una cucchiaiata,/ nella mano viene stretta,/ come stampo per la polpetta.
Si frigge, diventa d’oro,/ e poi giù nel sugo di pomodoro,/ col contorno di purè,/ è un gran bel mangiare.
Anche se è garantita,/ fatta con roba pulita,/ a chi viene a mangiare,/ non ditegli cosa c’è dentro.
Se non sa quello che c’avete messo,/ le mangia lo stesso,/ ma se sa che ci sono gli avanzi,/ può essere che salti il pranzo.
