Da l’Europa un righèl:
la farèina fata si grél,
che da òz las pò truvè,
tal butèghi e si marchè.
Jà zà dét che pièn pièn,
la farà per quèla ad grèn,
per la pasta, la pièda,
la zambèla, la spianèda.
Ènca se la pälvra ad grél,
cumè ch’i diš, lan fà mèl,
la n’à un udór cativ,
mu mè lam fà parèć schiv.
Cume quèla ad sardòun,
che fra l’èlt l’è pjó bòn,
las pò druvè cumè mangim,
per i pól e per e’ baghin.
E se per chèš im la mèt,
ad mašed int i caplét,
tal tajadèli e pasadèin,
a piènt un bél cašèin.
Mè an créd sangue de bòja,
ch’us pòsa fè la spòja,
cun la farèina ad grél,La farèina ad grél
ch’e’ saria un pchè murtèl.
An pèins che tla Rumagna,
ui sia qualcun ch’e’ magna,
una rubina isé,
piutòst us fà impichè.
Mo ilassó in s’rènd còunt,
d’avè fat un afròunt,
ma la nòsta cušèina,
e ma la su farèina.
Ivano Aurelio Muratori
LA FARINA DI GRILLI
Dall’ Europa un regalo:/ la farina fatta coi grilli,/ che da oggi si può trovare,/ nelle botteghe e sui mercati.
Hanno già detto che pian piano,/ farà per quella di grano,/ per la pasta, la piada,/ la ciambella, la spianata.
Anche se la polvere di grillo,/ come dicono, non fa male,/ non ha un odore cattivo,/ a me fa parecchio schifo.
Come quella di sarda,/ che tra l’altro è più buona,/ si può adoperare come mangime,/ per i polli e i maiali.
E se per caso me la mettono,/ di nascosto nei cappelletti,/ nelle tagliatelle e passatelli,/ pianto un bel casino.
Io non credo, sangue del boia,/ che si possa far la sfoglia,/ con la farina di grilli,/ che sarebbe un peccato mortale.
Non penso che nella Romagna,/ ci sia qualcuno che mangia,/ una robina così,/ piuttosto si fa impiccare.
Ma lassù non si rendono conto,/ di aver fatto un affronto,/ alla nostra cucina e alla sua farina.
