Una vòlta dòp magnè,
u s’andéva tè cafè,
l’éra una bòna scuša,
per putè scapè d’ chèša.
La möj la géva dai aspèta,
ch’a te faz sla machinèta,
l’avéva per arspòsta:
e’ cafè u jè apòsta.
A scap ch’l’è żà tèrd,
a vag a żughè a biglièrd,
e nu t’azèrda adès,
da nu dém e’ tu permès.
E’ cafè, un éšércizie,
du ch’un s’ féva di stravizie,
us bivéva, us ciacarèva,
quii ch’i vléva i zughèva.
Una muliga d’evašiòun,
dòp magnè la féva bon,
us tiréva un po’ e’ fiè,
prima d’andè a lavurè.
Us stéva ilè mez’urèta
pèr fumè una zigarèta,
s’un cafè, un biciarèin,
un pò ad zés e di luvèin
Ògnitènt us sintiva a urlè
baresta portme un cafè,
barèsta mu mè na grapa,
e ló che géva: mo pataca!
S’una paca sla spala,
t sintivti a dì: ciò cum vala?
ch’ut vénga un azidèint,
an ti vidéva da tènt.
U jéra qualche pòri crést,
dré me bènc s’jèćć trést,
e ‘dmandèva e’ purét,
che j paghès un cafè curèt.
U jéra quii sè fiè cativ
ch’ jurdinèva i digèstiv,
ii bivéva per fé i rót,
propie ilé dimpet ma tótt.
Chi invèci pjó educhéd
e’ tulèva e’ cafè sé żlèd,
tla cupèta se cuciarèin,
da magnèva me tavulèin.
U jéra sèimpre pròunt ilé,
tré quatre per ciacarè,
ad dòni, mutur e tajadèli,
e us ne sintiva dal bèli.
Quand ch’jéra a bäca sóta
e biveva un sug ad fróta
sa dl’aqua minèrèla,
e dré una caramèla.
Té cafè u jéra un fóm,
che e’ parèva ès té nibiòun,
o sina t na fumarìa,
parèć d’ilé i scapéva via.
Mo ch’jèlt is ne frighèva,
ma lór u j intereseva
una partida a tresèt,
o a brèscula o a pisalèt.
In parèć i féva tèrd,
s’al partidi a biglièrd,
per posta sna di panitun,
ilé in żiréva i migliun.
E’ juke box té cantòun,
e’ sunèva al canzòun,
mo per fél ui vléva èmènc,
una munèda da zént frènc.
Per quii ch’jéra pjó znèin
u jéra e’ bigliardèin,
i stéva ilé mèża żurnèda,
per żughès ‘na limunèda.
E’ cafè u n’ éra da bòn,
e’ sit dla perdiziòun,
u jéra zèinta nurmèla,
da cafè grapa e caramèla,
Ivano Aurelio Muratori
QUANDO SI ANDAVA AL CAFÈ
Una volta dopo mangiato,
si andava al caffè,
era una buona scusa,
per poter uscir da casa.
Con la moglie che diceva aspetta,
che te lo faccio con la macchinetta,
aveva per risposta,
il caffè c’è apposta.
Esco che è già tardi,
vado a giocare a biliardo,
e non ti azzardare adesso,
di non darmi il tuo permesso.
Il caffè un esercizio,
dove non si facevano gli stravizi,
si beveva, si chiacchierava,
quelli che volevano giocavano.
Un po’ d’evasione,
dopo mangiato faceva bene,
si tirava un po’ il fiato,
prima d’andar a lavorare.
Si stava lì mezz’oretta,
a fumare una sigaretta,
con un caffè, un bicchierino,
un po’ di ceci e di lupini.
Ogni tanto si sentiva urlare,
barista portami un caffè,
barista a me una grappa,
e lui che diceva: ma pataca.
Con una pacca sulla spalla,
sentivi a dìre: come va?
che ti venga un accidente,
non ti vedevo da tanto.
C’era qualche povero cristo,
vicino al banco con gli occhi tristi,
chiedeva il poveretto,
che gli pagassero un cafè corretto.
C’erano quelli col fiato cattivo,
che ordinavani i digestivi,
bevevano per fare i rutti,
proprio lì davanti a tutti.
Chi invece più educato,
prendeva il caffè col gelato,
nella coppetta col cucchiaino,
da mangiare al tavolino.
C’erano sempre pronti lì,
tre o quattro per chiacchierare,
di donne, motori e tagliatelle,
e se ne sentivano delle belle.
Quando erano a bocca asciutta,
prendevano un succo di frutta,
con dell’acqua minerale,
e dietro una caramella.
Nel caffè c’era un fumo,
che sembrava di essere nel nebbione,
sembrava una fumisteria,
parecchi da lì scappavano via.
Ma quegl’altri se ne fregavano,
a loro interessava,
una partita a tressette,
a briscola a piscialetto.
In parecchi facevano tardi,
con le partite a biliardo,
per posta solo dei panettoni,
lì non giravano i milioni
Il jukebox nell’angolo,
suonava le canzoni,
ma per farlo ci voleva almeno,
una moneta da cento lire.
Per quelli che erano più piccoli,
c’era il biliardino,
stavan lì mezza giornata,
per giocarsi una limonata.
Il caffè non era davvero,
il luogo della perdizione,
c’era gente normale,
da caffè, grappa e caramella.
