Mè e la mi möj e’ prim dl’an,
a l’ém fat sé champagne,
avém bivù a la granda,
cumè che Dio e’ cumanda.
Avém lutè per una stmèna,
fin a dòp dla befèna,
mo e’ vèin per quant bon,
u m’à fat vnì un s-ciupòun.
Um paréva un anticór,
ò ciamè sóbti e’ dutór,
ch’u m’à fat la curtešia,
da visitém ma chèša mia
Quand l’à vést ch’a pipéva,
u m’à dmand se a bivéva,
a jò dét: una ròba giósta,
finché un mi va tla tèsta.
Per al fèsti e’ capirà,
che ‘na bòcia la n’è stè sà,
però a n’ò spalè,
an mi sò miga imbriaghè.
U m’à guèrs malamèint,
e u m’à dét: t’è bivù tént,
bèda che mè an sò żèg
a sò arcnòs un imbrièg.
An ti vèj fè e’ prucès,
ò da capì cmè tci mès,
cum tat regle cun e’ vèin,
forza dimle ch’ut cunvèin.
An savéva cuša dì,
u mi vléva quelc bušì,
per cavém da l’imbaraz,
ai vléva dì an bév un caz.
Mo ò cambie idea e a jò dét,
dutór a bév quèlc cichèt,
non pjó ad dó tré bicér,
mo un vèin ligér ligér.
La mi möj a tèl riguèrd,
la diš: mo sint che bušèrd!
e’ racòunta dal fótti isé,
ch’us ne bév ‘na bòcia e’ dé.
Mè a jò dét: ta la vò šmét,
da turmantè un cris-cèn té let,
ch’l’à żà vést e’ dutór,
che tci pina ad livór.
E vó dutór cunsiderè,
che la bév pjó ca na mè
l’è sèimpre ilé ch’la trócia,
attachèda ma la bòcia.
Mè an bèv una mità,
che per mè la è żà sa,
an vi dég una bušia,
a bév ad pjó l’è lia.
Dòp e’ mi zcórs e’ dutór,
u m’à dè de bividór,
sèinza cheuša e sèinza nès.
e ma la mi möj l’istès.
Lia la s’èlza da la scarana,
e pu lai diš pataca e nana,
mè an sò una bividóra,
an vidì ch’a sò ‘na signóra.
Mè a bév mo a sò mudereda
an mi sò mai imbriaghèda
ló sé ch’ l’è ‘na spógna,
e d’bé un si vargägna.
Adès dutór pènsèi vó,
ma la cura da dej ma ló,
un pò andè avènti isé,
s’una bòcia tót i dé.
Sé, la cura av la dag mè,
ma tót dó av faz lighè!
av signèl ma la quéstura,
a capéss ch’lav fà paura.
La mi möj a sintì isé,
la à fat mèrcia indré,
la jà dét dutór ad vèin,
an bivém circa un quartéin.
‘Na bòcia tra ló e’ mè,
las dura un péra ad dé,
a stém drèinta sta mišura,
e a duvém avè paura?
E’ zcórs ad prima al curèz,
agl’jè ròbi ch’ lin rèz,
a séra un po’ invurnida,
e adès am sò pentìda
Dutór purtròp e’ mi marid,
e’ schèrza, e’ fà pèr rid,
una gata a sò cunvinta,
ch’un la fà gnènca per finta.
Tót quèl ch’u jè suzès,
l’è perché l’éra deprès,
e purtròp mè ai vag dré,
mo s’un bicér la fnès ilé.
U n’è e’ chèš da fés paura,
da tré in bal la quéstura,
e s’us dà dan e’ vèin,
ch’u se déga ch’a smitém.
E’ dutór l’à šbarbutlè,
l’à ciap sò e via ch’l’é ndè,
u s’à dét arangèv,
u n’à vlù gnint, l’è stè brèv.
Ivano Aurelio Muratori
ABBIAMO BEVUTO ALLA GRANDE!
Io e mia moglie il primo dell’anno,
lo abbiam fatto con lo champagne,
abbiamo bevuto alla grande,
come Dio comanda.
Abbiam continuato una settimana,
fin dopo la befana,
ma il vino per quanto buono,
mi ha fatto venire un malore.
Mi sembrava un accidente,
ho chiamato subito il dottore,
che mi ha fatto la cortesia,
di visitarmi a casa mia.
Quando ha visto che boccheggiavo,
mi ha chiesto se bevevo,
gli ho detto: una cosa giusta,
finché non mi va alla testa.
Per le feste capirà,
che una bottiglia non è bastata,
però non ho spallato,
non mi sono ubriacato.
Mi ha guardato malamente,
mi ha detto: hai bevuto tanto,
bada che io non son cieco,
so riconoscere un ubriaco.
Non ti voglio fare il processo,
devo capire come sei messo,
come ti regoli col vino,
forza dimmelo che ti conviene.
Non sapevo cosa dire,
mi ci voleva qualche bugia,
per togliermi dall’imbarazzo,
volevo dirgli non bevo un cazzo.
Ma ho cambiato idea e gli ho detto,
dottore bevo qualche cicchetto,
non più di due o tre bicchiere,
ma un vino leggero leggero.
Mia moglie a tal riguardo,
dice: ma senti che bugiardo,
racconta delle sciocchezze così,
che se ne beve una bottiglia al dì.
Io le ho detto: la vuoi smettere,
di tormentare un cristiano nel letto,
che ha già visto il dottore,
che sei piena di livore.
E voi dottore considerate,
che beve più di me,
è sempre lì che truccia,
attaccata alla bottiglia.
Io ne bevo una metà,
che per me è già abbastanza,
non vi dico una bugia,
a bere di più è lei.
Dopo il mio discorso il dottore,
mi ha dato del bevitore,
senza causa e senza nesso,
e a mia moglie lo stesso.
Lei si alza dalla sedia,
e poi gli dice pataca e nana,
io non sono una bevitrice,
non vedete che sono una bevitrice.
Io a bere son moderata,
non mi sono mai ubriacata,
lui sì che è una spugna
e di bere non si vergogna.
Adesso dottore pensateci voi,
alla cura da dare a lui,
non può andare avanti così,
con una bottiglia tutti i giorni.
Sì la cura ve la dò io,
a tutti due vi faccio legare,
vi segnalo alla questura,
capisco che vi fa paura.
Mia moglie a sentir così,
ha fatto marcia indietro,
gli ha detto dottore di vino,
ne beviamo un quartino.
Una bottiglia tra lui e me,
ci dura un paio di giorni,
stiamo dentro a questa misura,
e dobbiam aver paura?
Il discorso di prima lo correggo,
sono cose che non reggono,
ero un po’ invornita,
e adesso mi son pentita.
Dottore mio marito,
scherza, fa per ridere,
una sbornia son convinta,
che non la faccia neanche per finta.
Tutto quello che è successo,
è perché era depresso,
e purtroppo io gli vado dietro,
ma con un bicchiere finisce lì.
Non è il caso di farci paura,
di tirare in ballo la questura,
se ci dà fastidio il vino,
ce lo dica che smettiamo.
Il dottore ha borbottato,
ha preso su e via che è andato,
ci ha detto arrangiatevi,
non ha voluto niente, è stato bravo.
