Al rizèti di caplét,
agl’jè cumè i dialét,
i Rumagnul i n’à trénta,
e ancóra in s’acuntèinta.
Si caplét l’è prèciš,
tènt che e’ rumagnòl e’ diš,
ch’l’è pjó bèl e’ su dialèt,
ch’l’è pjó bòn e’ su caplèt.
Ènca mè ò sta pretèša,
e’ caplèt ch’a faz at chèša,
sèinza dóbie e timór,
a pòs dì ch’l’è e’ migliór.
Ènzi tótt a faz la spòja,
sla farèina, òvi, e vòja,
ch’lan pò ès stila tènta,
sina i caplét is s-cènta.
Pu a la taj sè curtèl,
a quadrèt tótt quant uguèl,
a còr dré me s-ciadur,
ch’an mi šbaj d’sicur.
A faz da pèrta e’ cumpéns,
un impast strèt e déns,
sal gl’òvi e tré furmaj,
e’ cazàz ch’un šbaja maj,
la fòrma e pu l’arcòta,
e la chèrna prima scòta,
sóra e’ fóg int un padlin,
ad capòun, vidèl, baghin.
Tla chèrna bèin tridéda,
ai mèt la nuša mušchèda,
pévur, sèl, bóza d’limòun,
in tla giósta prupurziòun.
Se e’ cumpéns e’ va bèin,
al tòg só sè cuciarèin
al mèt sóra mi quadrèt,
un per un, in tènt mućèt.
E’ quadrèt al pig in dó,
e da e’ tulèr al tòg só,
mal dó zimi ai dàg un żirèt,
e tal mèni a jò e’ caplèt.
Adès ch’ò dét cum ch’ai faz,
am girì va a ca’ de caz,
che i caplét ai savém fé,
e sicur mèj ca ne té.
Tinimòdi al sò żà
stal ròbi cum ch’al va,
mè a zcär tót i diš sé sé,
e l’è finida ilé.
Mo tótt quel che mè ò scrét
l’è a prò di caplét,
al faz perché ai voi bèin,
sina an gni sunèva e’ viulèin.
Ivano Aurelio Muratori
I CAPPELLETTI CHE FACCIO IO
Le ricette dei cappelletti,
sono come i dialetti,
i Romagnoli ne hanno trenta,
e ancora non si accontentano.
Coi cappelletti è uguale,
tanto che il romagnolo dice,
che é più bello il suo dialetto,
che è più buono il suo cappelletto.
Anche io ho sta pretesa,
il cappelletto che faccio in casa,
senza dubbio e timore,
posso dire che è sono il migliore.
Anzitutto faccio la sfoglia,
con la farina, uova e voglia,
che non può essere tanto sottile,
altrimenti i cappelletti si rompono.
Poi la taglio col coltello,
a quadretti tutti quanti uguali,
corro dietro al matterello,
che non mi sbaglio di sicuro.
A parte faccio il compenso,
un impasto stretto e denso,
fatto con le uova e col formaggio
immaturo che non sbaglia mai,
la forma è poi la ricotta,
e la carne prima rosolata,
sul fuoco in un padellino,
di cappone, vitello, maiale.
Nella carne ben tritata,
ci metto la noce moscata,
pepe, sale, buccia di limone,
nella giusta proporzione.
Se l’impasto va bene,
lo prendo su col cucchiaino,
lo metto sopra ai quadretti,
uno per uno, in tanti mucchietti.
Il quadretto lo piego in due,
e dal tagliere lo tiro su,
alle due cime gli dò un giretto,
e nelle mani ho il cappelletto.
Adesso che ho detto come li faccio,
mi direte va a ca’ del cazzo,
che i cappelletti li sappiamo fare,
e sicur meglio di te.
Tanto io lo so già,
queste cose come vanno,
io parlo tutti dicono sì sì,
e poi è finita lì.
Ma tutto quello che io ho scritto,
è a pròl dei cappelletti,
lo faccio perchè voglio loro bene,
sennò non suonavo loro il violino
