Mè, e’ dé ch’l’é pas,
vèrs al sé, andéva a spas,
a s’èra s’una gagia,
a camnèmie läng la spiagia.
La mi mèna tla su mèna,
la n’éra una putèna,
mo una paperòta ubéša,
che sóbit la s’è stéša.
La à dét ò fat fadiga,
a m’arpòns ‘na muliga,
mètte zó iquè dré mè,
e aiutme ad arfiadè.
E mè am sò mès dimpèt,
per fèi vèint sè mi brèt,
mo pjó ch’a šventulèva,
e mènc ch’la rèspirèva.
Epù la s’è arvòlta,
ò pensè ch’la fós mòrta,
quand am féva e’ sègn dla cróša,
arsint incóra la su vóša.
L’am géva: oh Dio a mòr!
fam un masagin me còr,
fà prèst cèma e’ zentezdòt,
vègil e puliziòt.
Na! a jò dét, per la Madòna,
a sò spòš s’un’ènta dòna,
s’a ciamèm i pulizai,
a fnèm t’un mèr ad guai.
E dmèn a sém si giurnèl,
che d nun i girà mèl,
is dàra di spurcaciun,
l’è mej nu ciamè nisun.
La m’à dét: ciò carèin,
l’è quis-ciòun ad quatrèin,
jè quii che mè a vòj,
tira fóra e’ portafòj!
Dam pu tót quèl che t’è,
e nu pèinsa mèl ad mè,
a tir só un po’ ad quatréin
che a sóld an stàg tènt bèin.
A jò dèt ma la bambòza,
ò zént euri tla bascòza,
a ti dag schèvte de caz,
che sinó at s-cènt un braz.
An sò gnènca chi t sia,
aspèt sna che t vaga via,
che fra pòc a tac a urlè,
u jè ‘na mata da lighè!
Va da läng nu fat pjó véda,
ch’at la dag una rudèda,
isé t’ smèt, ignurènta,
a tò in zir la zèinta.
Té tó in zir, la m’à dét,
che t fè e’ patachèt,
e t tó só ma la strèda,
la prima capitèda.
Ivano Aurelio Muratori
LA PRIMA CAPITATA!
Io il giorno che è passato,/ verso le sei, andavo a spasso,/ ero con una rossa,/ camminavamo sulla spiaggia.
La mia mano nella sua mano,/ non era una puttana,/ ma una paperotta obesa,/ che subito si è stesa.
Ha detto ho fatto fatica,/ mi riposo un po’/ mettiti giù qui vicino a me,/ e aiutami a rifiatare.
E io mi son messo di fronte,/ per fargli vento col mio berretto,/ ma più che sventolavo,/ meno respirava.
E poi si è girata,/ ho pensato che fosse morta,/ quando mi facevo il segno della croce,/ risento ancora la sua voce.
Mi diceva: oh Dio muoio,/ fammi un massaggino sul cuore,/ fai presto chiama il centodiciotto,/ vigili e poliziotti.
No! le ho detto, per la Madonna,/ sono sposato con un’altra donna,/ se chiamiamo i poliziotti,/ finiamo in mare di guai.
E domani siamo sui giornali,/ che di noi diranno male,/ ci daranno degli sporcaccioni,/ meglio che non chiamiamo nessuno.
Mi ha detto: di’ carino,/ è questione di quattrini,/ sono quelli che io voglio,/ tira fuori il portafoglio!
Dammi pure tutto quello che hai,/ e non pensare male di me,/ tiro su un po’ di quattrini,/ che a soldi non sto tanto bene.
Ho detto alla bamboccia,/ ho cento euri nella tasca,/ te li dò ma va via,/ se no ti rompo un braccio.
Non so neanche chi tu sia,/ aspetto solo che tu vada via,/ che fra poco comincio a urlare,/ c’è una matta da legare!
Va lontano, non farti più vedere,/ che te la dò una ruotata,/ così smetti, ignorante,/ di prendere in giro la gente.
Tu prendi in giro, mi ha detto,/ che fai il patachetto,/ e prendi su per la strada,/ la prima capitata.
