I pénsiunèd tótt i dé,
puntuèl is tròva ilé,
sóra la pènca de cumun,
du ch’i fà e’ sòlit radun.

J’ariva a l’artròv,
tra gl’jót e mèż e al nòv,
is fà sóbit i salut,
sa bondé e bènavnùd.

E’prim us chèva e’ capèl
e e’ cminza a fè l’apèl,
e s’un mènca qualcun,
un gn’impòrta ma nisun.

Epù e’ dmanda la paròla,
un ch’l’à tac a fè la gnòla,
e’ diš ch’ui fà mèl la schina,
ènca disdé sla panchina.

E ch’jèlt i dà vanèla,
j cunsèglia la stampèla,
sina la caruzèina,
ch’u n’è zèrt l’arvèina.

Un e’ pianż com un burdèl,
perché un gni tira pjó l’ušèl,
ch’jèlt ii diš: nu pianz pjó,
u jè e’viagra per tirèl só.

Un ènt l’è arvènz deluš,
i l’a vért e i l’a ciuš,
cuš ch’l’à i n’à capì,
ló l’aspèta da murì.

Tótt quant a dìi mo va là,
che qualcoša us truvarà,
e’ Signór ma nun us véd,
e in qualche mòd e’ pruvéd.

Che pjó żóvne e’ diš: e mè?
ch’ò e’ còr da uperè,
e i m’à dét pèr ès prèciš,
ch’e quand im vérż i me diš.

A stè punt i fà un apèl,
me dirètór dl’uspidèl,
sa ben cèra la prètèša,
d’arduš i tèimp d’atèša.

In cunclušiòun jèlèż,
e’ šgrazièd ch’ e’ stà pèż,
ii fà fè e’ prèsidèint,
che sinó u n’è cuntèint.

Dòp ad chè i zcär ad buši,
‘na masa pèriculóši,
pèr la póblica incòlumità,
e per i vèćć una calamità.

Un s’un pid ingèsèd,
e’ diš quest l’è e’ rišultèd,
per nu ‘vè ciuš al buši,
a m’aspèt èmènc al scuši.

J la jà sè Cumun intér,
dai giòmètri ma j inżgnér,
da è’ séndic ma jasèsur,
ch’in stà dré mi lavur.

Mi vèćć ui téca fà e’ mis-cér,
dl’umarèl capcantiér,
i béda muradur e upèrai,
e j curèz magagni e šbaj.

Lór per mèt al ròbi a pòst,
tót i dé i fà un espòst,
che rèsta lètra mòrta,
e ma nisun u jimpòrta.

E pu i zcurs i va avènti,
i va a tuchè al badènti,
ch’l’è un argumèint,
ancóra pjó interèsènt.

Is lamèinta i pjó vèćć,
perché lóri al vò parèćć,
in règula al vèin custè,
cume la möj o żó d’ilé.

E’ diš un ex carabignér,
mè la mia a la pég in nér,
léa lam trata da muróš,
st’éltran mè a la spóš,

Un ch’l’è všèin mi nuvènta,
e’ diš sa fazie sla badènta?
Ò da spènd isé ‘na masa,
per fém mèt drèinta la casa?

Qualcun ènt divurzièd,
e’ diš sla badènta a sò arnèd,
l’am fà da cumpagna,
e per mè l’è ‘na cucagna.

Sa stal divèrsi upigniòun,
i suspènd la discusiòun,
jà da šbrighè la fazènda,
da fè una bela imbrènda

I tira fóra da e’ scartòz,
chi la péza, chi e’ maritòz,
chi e’ bignè, chi e’ bombulòun,
chi una fèta ad panitòun.

Fat la pèuša ad mèż’óra,
i va ‘vènti un ènt po’ ancóra,
j’à da dì prima dla fèin,
tót al ròbi ch’lin va bèin.

Un sl’èria da inteletuél,
e’ fà e’zcórs pjó bèl,
šgänd e’ su punt ad vésta,
la vciaia la è trèsta.

U n’è che i vèćć j chèmpa tròp,
l’è d’ pènsiòun ch’i ciapa pòc,
jà ‘na bulèta ch’la fà paura,
jè custrèt tla chèša ad cura.

In dó tré j selta tla faza,
e ii diš vai té madunaza,
che nun an lasém la chèša,
ch’ut pieša o ch’un ti pièša.

Un sl’eskimo e e’ barbòun,
e’ diš: ui vò la rivoluziòun,
tla bascòza ò la rivultèla,
an vég l’óra da duvrèla.

Un ènt vćét ch’e’ tartaja,
e’ diš che lò l’à la mitraja,
l’è pròunt a tréla fóra,
quand ch’e’ vèin la su òra.

J dmanda ch’jèlt perplès,
la rivòluziòun adèss?
in dó e dó quatre isé,
cl’à sunè żà mèżdé.

E’ prèsidèint vést l’andaz,
e’ diš rivoluziòun un caz,
andè a chèša e fè prèst,
ch’u i vò poc a fnì in arèst.

La riugnòun l’è fnida,
e ma tótt bòna aptida,
só andè via lasè la piaza,
che la mnèstra la s’agiaza.

Ivano Aurelio Muratori

SOPRA LA PANCA I VECCHI CAMPANO!

I pensionati tutti i giorni,
puntuali si trovano lì,
sopra la panca del comune,
dove fanno il solito raduno.

Arrivano al ritrovo,
tra le otto e mezza e le nove,
si fanno subito i saluti,
con buongiorno e benvenuto.

Il primo si cava il cappello,
e comincia a far l’appello,
e se ne manca qualcuno,
non importa a nessuno.

E poi d omanda la parola,
uno che ha cominciato a far la lagna,
dice che gli fa mal la schiena,
anche seduto sulla panchina.

E gli altri gli danno corda,
gli consigliano la stampella,
o sennò la carrozzina,
che non è certo la rovina.

Uno piange come un bambino,
perché non gli tira più l’uccello,
gli altri gli dicono: non piangere più,
c’è il viagra per tirarlo su.

Un altro è rimasto deluso,
l’hanno aperto e l’hanno chiuso,
cosa c’ha non l’hanno capito,
lui aspetta di morire.

Tutti a dirgli ma va là,
che qualcosa si troverà,
il Signore a noi ci vede,
e in qualche modo provvede.

Il più giovane dice: e io?
che mi devono operare,
e mi hanno detto per essere preciso,
che quando mi aprono me lo dicono.

A questo punto fanno un appello,
al direttore dell’ospedale,
con ben chiara la pretesa,
di ridurre i tempi d’attesa.

In conclusione eleggono,
il disgraziato che sta peggio,
gli fanno fare il presidente,
che sennò non è contento.

Dopo di che parlano di buche,
assai pericolose,
per la pubblica incollumità,
e per i vecchi una calamità.

Uno con un piede ingessato,
dice questo è il risultato,
per non aver chiuso le buche,
aspetto almeno le scuse.

Ce l’hanno col comune intero,
dai geometri agli ingegneri,
dal sindaco agli assessori,
che non stanno dietro ai lavori.

Ai vecchi tocca fare il mestiere,
dell’ omino capo cantiere:
badano muratori e operai
e correggono loro magagne e sbagli.

Loro per mettere le cose a posto,
tutti i giorni fanno un esposto,
che resta lettera morta,
e a nessuno importa.

E poi i discorsi vanno avanti,
vanno a toccare le badanti,
che è un argomento,
ancora più interessante.

Si lamentano i più vecchi,
perché loro vogliono parecchio,
in regola vengono a costare,
come una moglie o giù di lì.

Dice un ex carabiniere,
io la mia la pago in nero,
lei mi tratta da moroso,
quest’altr’anno io la sposo.

Uno che è vicino ai novanta,
dice cosa faccio con la badante?
Devo spendere così tanto,
per farmi mettere nella cassa?

Qualcun altro divorziato,
dice con la badante sono rinato,
mi fa da compagna,
e per me è una cuccagna.

Con queste diverse opinioni,
sospendono la discussione,
devono sbrigare la faccenda,
di fare una bella merenda.

Tirano fuori dal cartoccio,
chi la pizza, chi il maritozzo,
chi il bignè, chi il bombolone,
chi una fetta di panettone.

Fatta la pausa di mezz’ora,
vanno avanti un altro po’ ancora,
devono dire prima della fine,
tutte le cose che non van bene.

Uno con l’aria da intellettuale
fa il discorso più bello,
secondo il suo punto di vista,
la vecchiaia è triste.

Non è che i vecchi campano troppo,
è di pensione prendono poco,
hanno una bolletta che fa paura,
son costretti nella casa di cura.

In due tre gli saltano in faccia,
e gli dicono vacci tu madonaccia,
che noi non lasciamo la casa,
che ti piaccia o non ti piaccia.

Uno con l’ eskimo e il barbone,
dice: ci vuole la rivoluzione,
in tasca ho la rivoltella,
non vedo l’ora di adoperarla.

Un altro vecchietto che tartaglia,
dice che lui ha la mitraglia,
e pronto a tirarla fuori,
quando viene la sua ora..

Domandano gli altri perplessi,
la rivoluzione adesso?
in due e due quattro così,
che è suonato già mezzogiorno.

Il presidente visto l’andazzo,
dice rivoluzione un cazzo,
andate a casa e fate presto,
che ci vuol poco a finire in arresto.

La riunione è finita,
a tutti buon appetito,
su andate via lasciate la piazza,
che la minestra si raffredda.